Kjartan och Tekla i Sverige

Sumarbliða!

2006-05-08T11:32:00.000+02:00

Við og litla fjöldskyldan á Kämnarsvägen 11 fengum hádegishlaðborð á mexikönskum stað. Birta var ótrúlega hress með tónlistina og okkur!

Hæhæ. Ég varð nú bara að setja inn smá um hvað það er búið að vera frábært veður hjá okkur síðustu daga. Þetta gerðist allt mjög skyndilega - fór úr 5 gráðum upp í 18-20 á nokkrum dögum. Allir komnir út í sólbað, hver einasti grasblettur tekinn. Þetta lofar samt góðu fyrir karnevalið sem verður um 17. maí og stendur yfir í nokkra daga - það er jú bara fjórða hvert ár sem slík hátíð er haldin hér svo að við teljum okkur stálheppin...

Grillað úti í garði hjá okkur. Kjartan og Tina.

Gaman saman í pikknikk, Grétar og Vala með okkur í sólbaði.
Félagi Grétar lenti einmitt í upphitun fyrir karnevalið sem var á laugardaginn - þá var smá skrúðganga úr bænum - fólk að dansa á bílum, blásandi í lúðra og klætt í svona föt eins og maður getur ímyndað sér á kjötkveðjuhátíð í Rio. Þvílík stemmning og veðrið eins og það gerist best á Íslandi, kannski aðeins betra...
Annað fyndið, vinur okkar John sem er sænskur strákur, er með Teklu í bekk og býr hérna hliðina á okkur á Delphi. Þegar hann sendir skilaboð endar hann alltaf á Love eða Kiss, hvort sem hann er að senda mér eða Teklu... voða indæll :o) Hann er samt mjög fínn!
Jæja sólin kallar. Kiss.

Helgi Skúli, Berglind og Birta litla komu með okkur í pikknikk.

Sumarið að koma...?

2006-04-29T19:00:00.000+02:00

Hér eru þau systkinin Lea Björt og Tandri Karl.

Jæja vinir, nú er það byrjað. Bloggið komið í gang og allir hoppandi af gleði. Við höfum verið ótrúlega upptekin við annað en að skrifa en batnandi mönnum er best að lifa.

Það nýjasta nýtt er að Tekla er búin að eignast splúnkunýjan frænda sem ber heitið Tandri Karl. Til að skoða myndir er linkur hér efst á síðunni.

Við erum annars að fara að halda uppá afmæli konungsins sem fyllir 60ár á morgun - svokölluð Valborgs hátíð. Síðustu ár hafa Lundabúar safnast saman í Statsparken fyrir hádegi og gert sér glaðan dag í sólskini og fínheitum. En í ár er spáin ekki svo góð fyrir morgundaginn - þungskýjað og líklegast rigning seinnipartinn... En það er ótrúlega fínt fyrir okkur Íslendinga sem erum ekki vön öðru á útihátíðum. Stígvél og regnstakkur.

Les 2 Alpes

2006-02-14T17:25:00.000+01:00

Þarna er hótelið okkar í bakgrunni og krakkarnir að labba í áttina til mín.

Jæja þá erum við bara komin heim af skíðum. Það var nú ótrúlega gaman. Þurftum að þola 28 tíma lestarferð plús 3 tíma í rútu fram og tilbaka en það vel þess virði - auk þess sem það kom soldið á óvart að það er ekki svo slæmt að ferðast í lest með svefnkojum.
Við stigum út í bjarta sólskin kl. 17:00 á laugardeginum og komum okkur fyrir á hótelinu okkar. Við deildum herbergi með Dabba og Dísu og svo voru tvíburarnir Davíð og Bjarni plús Snorri og Gunnar Þór í hinu herberginu. 8 vorum við í allt.
Það var mikið eldað á hótelinu og hver kvöldmáltíð var eins og 5 stjörnu stjörnumáltíð á McDonalds - neh eins og á Holtinu. Við skíðuðum allan tíman í sól og blíðviðri og var útsýnið ekki af verri endanum - fórum meira að segja einn dag á annað skíðasvæði Alpe D'Huez þar sem við fórum upp á topp og sáum með berum augum Mont Blanc !! Það var gaman.

Þetta svæði sem við vorum á Les2Alpes er þekkt fyrir brjálaða off-pist möguleika og er það alveg pottþétt ógeðslega gaman á þarna - en... við vorum í litlum snjó að þessu sinni. Hafði ekki snjóað síðan um miðjan janúar og færið mjög hart. Svörtu brekkurnar efst voru meira fyrir skauta og off pistið var útskíðað og hart. Stöðugt var maður á varðbergi að missa ekki brettið/skíðin undan sér og fyrir vikið var lítið um framfarir og stjörnustæla. Þeir voru búnir að gera myndarlegt bretta/skíða leiksvæði og tók maður nokkur stökk á big-jump og renndi sér í gegnum hálfa pípu til mikillar gleði áhorfenda... Allt gekk þetta slysalaust fyrir sig og voru menn og konur sátt að endingu. Maturinn í Frakklandi er nú bara geggjaður - þeir kunna þetta Frakkarnir - mátti heyra oftar en einu sinni hljóma í okkar hópi, reyndar einnig - the France are assholes - en það var á öðrum tímum. Þeir eru nefnilega ekkert mjög kurteisir ef þú talar ekki frönsku og sumir eru einfaldlega leiðinlegir. Fáránlegt að vinna í þjónustustarfi fyrir túrista og tala svo ekki ensku... hva er málið! En maturinn var brjálaður - Osta fondú (bráðinn ostur og hvítvín í potti og dýfir þurru brauði ofan í og borðar), Raclette (setur ost undir hitadæmi og skefur svo bráðinn ost ofan á allskonar mat t.d. skinku) og öndin sem við fengum einu sinni með appelsínusírópssósu var sú besta sem ég hef smakkað.

Jæja nóg í bili - gaman að vera komin heim ... heim í ljósgráan hversdagsleikan með möguleika á að sjá stöðuna á heimabankanum...
Ykkar Kjartan og Tekla.

Þetta er kort af brekkunum. Við vorum mest fyrir ofan fyrstu brekkurnar. Leiðirnar heim voru mjög brattar.
Þarna er ég fyrir utan einn skíðaresturantinn, það var ótrúlega góður matur oft í brekkunum en við vorum bara alltaf með samlokur.

Piparkökur og glögg

2005-12-16T14:34:00.002+01:00

Sæl!!
Vildum bara deila með jólastemningunni hér á bæ. Vala og Grétar komu í heimsókn í gær og voru piparkökur skornar út og drukkið glögg.

Vaka og eg...

2005-12-13T12:31:00.000+01:00

Það var svona leikur á blogginu hennar Vöku((Eins og þið kannski vitið þá erum við núna saman á ári í læknisfræði)

Settu nafnið þitt í kommentakerfið og..
1. Ég segi þér eitthvað handahófskennt um þig.
2. Ég segi þér hvaða lag/mynd minnir mig á þig.
3. Ég segi þér hvaða bragð minnir mig á þig.
4. Ég segi þér fyrstu ljósu minninguna mína af þér.
5. Ég segi þér á hvaða dýr þú minnir mig á.
6. Ég spyr þig að einhverju sem ég hef velt lengi fyrir mér um þig.
7. Ef þú lest þetta verðuru að setja þetta á bloggið þitt!

og þar sem ég verð eigilega að fylgja leikreglum(og þar sem þetta rifjar upp góðar minnningar... :)).. þá sleppi ég svörunum lausum hérna..

1. þú ert "elsta" vinkona mín, við eigum báðar kærasta sem eiga afmæli 18. júní, þú ert að blómstra í læknanáminu í Svíþjóð
2. Gömul 80´s jólalög, eins og Snjókorn falla...
3. Kakó, þú kenndir mér að setja kakó út á seríósið...
4. Þú komst í 1. bekk í Ólafsvík, og teiknaðir flotta kisumynd (af því þú áttir kött), ég gerði það líka (og átti líka kött) svo kennarinn lét þig setjast hjá mér. Eftir skóla fór ég heim og sagði: Mamma mamma, það er komin ný stelpa í skólann, hún heitir Tekla. Mamma: nei, heitir hún ekki Hekla? Ég: Nei, Tekla, kennarinn sagði það. Mamma: Ertu alveg viss? (hélt að ég væri orðin eitthvað kreisí). Svo kom ég í heimsókn til þín daginn eftir, á laugardagsmorgni (kl svona 10-11) og var mjög hissa á að þú værir enn þá á náttfötunum, varst að horfa á jólateiknimyndir í sjónvarpinu. Síðan þá vorum við nánast óaðskiljanlegar, hehe.
5. Köttur, eins og hann Snúður þinn sem var dúkkan okkar, klæddum hann í dúkkuföt og keyrðum hann í dúkkukerru
6. Af hverju ferðu ekki fyrr að sofa á kvöldin?? Tíhí

-alltaf gaman að detta inn í smá nostalgíufíling. Vil samt gera eina athugasemd, kötturinn snúður var alvöru köttur og engin dúkka en honum fannst þetta líka gaman, er það ekki Vaka?
Þegar að við vorum svona sirka átta- níu ára áttum við líka sameigilegan fjárhag og keyptum okkur svo glóálfa fyrir peninginn..og glórottu. Svo kom að því að þegar að við vorum tíu ára flutti Vaka til Hafnarfjarðar og ég til Svíþjóðar... Og varð þá smá vandamál með forræðið á þessum glóandi álfum, en við leystum auðvitað úr því...
Leiðinlegt að eiga ekki myndir af þessu hérna :(
En svona talandi um myndir þá er ég að uppdatera myndasíðuna okkar með fleiri myndum.
Puss Puss

Myndasiða

2005-11-24T15:16:00.000+01:00

Kíkjiði endilega á nýju myndasíðuna okkar..reikna með að það verði komin inn fleiri albúm í kvöld 24.nóv.
http://public.fotki.com/tekla/
Kv Tekla og Kjarri

Drullusokkur

2005-11-22T15:15:00.001+01:00

Jæja þriðjudagur 22.nóv! Aðeins 3 dagar síðan að það var bloggað síðast- hlýtur að vera met fyrir þessa bloggsíðu!
Fer nú að styttast í próf hjá mér, er að fara í 5 tíma ónæmis-, sýkla, veiru-, neoplasiu-, hematologiu-próf 9.des. Frekar massíft! Kjartan er þegar búin að fara í 2 próf(geð- og tauga) og gekk bara mjög vel og hann fer svo næst í próf 9. og 10.jan. í barna- og fæðingarlækningum.
Þykir frekar leiðinlegt að við komum ekki heim til Íslands fyrr en á Þorláksmessu-23.des, eftir rúman mánuð, langseinust, eftir öllum hinum. ::( En það þýðir þó lítið að gráta það- þar sem dansað verður fram á 13:da!! :)
Ég fer ekki heim fyrr en 10. jan. en Kjartan fer 7.jan útaf prófunum. En þetta verður brjálað! Hlakka ótrúlega mikið að sjá ykkur!!

Jæja- var nú samt eiginlega helst að spá í...Drullusokkur - hvar fær maður svoleiðis?
Klósettið okkar er nefnilega stíflað!! (Hefur reyndar verið semistíflað í nokkrar vikur en núna gafst það alveg upp.)
-Egill benti okkur á Mr. Muscle... en Mr. Muscle reyndist ekki nógu sterkur fyrir klósettið okkar.
Já-frekar fúlt!
Einhver góð ráð? Eins og til dæmis, hvað heitir drullusokkur á sænsku? "skitstrumpa" hljómar allavega ekki kunnuglega -get ómögulega munað þetta!
Kveðja Tekla
þetta eru þeir Kjartan, John og Kalli. Fórum sem sagt á kaffihús í seinustu viku -John og Kalli eru með mér í bekk.

Teklupostur

2005-11-19T19:12:00.000+01:00

Mikil gleði ríkti hér á bæ í gærkveldi er við fengum netið aftur og því líkur léttir. Nú getur maður aftur farið að hafa smá samband við umheiminn
-en ég var þó fyrst núna að læra á þetta blogg! Góð- Er það ekki? Reyndist alls ekki eins flókið og ég hélt :).
Allavega,héðan er bara allt gott að frétta. Tíminn líður alltof hratt og það er meira að segja kominn almennilegur vetur! -Ekki snjór þó, en skítkallt!

Ég talaði við hana Tótu mína í London í gær og varð hún frekar hneyksluð á því að það hefur enginn komið í heimsókn til MÍN... ég var ekki einu sinni búin að spá í þessu! Hmm.. á meðan að Diddinn, Davíð frændi hans Kjartans og Sigtryggur hafa allir komið í heimsókn. En ég býst við brjálaðri sprengju í vor í staðinn. Mamma og pabbi, Auður og fleiri eru búin að gefa eitt og annað loforð ;).
Kósí!
Jólamarkaðurinn í Köben!

Jæja ég hef eiginlega ekki tíma fyrir þetta núna, eigum nefnilega að vera mætt í matarboð til Völu og Grétars eftir 20 og ég á eftir að taka mig til! En ég er notlega helvíti snögg eins og þið vitið sem þekkið mig vel ;).
Þá kveð ég að sinni, og elskurnar mínar ætliði það sé eki óhætt að segja að uppfærslurnar verði fleiri núna þegar að ég kann líka á tækið.
Kv Tekla

Hæ aftur!

2005-10-18T19:35:00.000+02:00

Jæja nú byrjar það. Við erum komin með netið!!! Geggjað gaman. Nú er hægt að tengjast bara heima í stofu - þvílíkur lúxus. Myndin er af loftbelgjum sem flugu yfir lund fyrir nokkru.

Fréttir af okkur... við erum búin að flytja inn, koma okkur fyrir med húsgögnum úr ... hvað haldiði? Mjög næs, lítið en næs. Ég held að ég geti sett myndir fyrir forvitna ...

Ég er byrjaður og búinn með taugalæknisfræði kúrsinn og er á fullu í geðlæknisfræði. Búinn að taka verklegt og skriflegt próf og halda smá fyrirlestur - allt á sænsku... já já takka. Það er annars nóg að gera í skólanum, ég er frá 8-17 næstum alla daga og svo þarf maður jú að lesa eitthvað. En helgarnar hafa verið í ,,rólegheitum", við erum búin að kynnast nýjum íslendingum Völu, Grétari og Arnóri (kærasta Vöku) og þeir eru ágætir :o) Egill okkar er nánast alltaf upptekinn - dama frá Bandaríkjunum sem er að halda honum uppteknum.

Hér er annars gegðveikt gaman að vera, hlýtt (miðað við á Íslandi) og rólegt andrúmsloft. Mjög fyndið hvað það er mikil traffík á hjólastígunum.

Komin inn!

2005-09-12T14:06:00.000+02:00

Jaeja, tha er thad komid a hreint, vid verdum afram i Lundi... vei gaman.

Vid fengum ibudina a Delphi sem er 26 fm. Forum i massainnkaupaferd til Malmö i IKEA. Vorum gedveikt lengi thar, their voru ad reyna ad loka kl. 20 og vid vorum hlaupandi um allan lagerinn ad na i sofa, rum ofl. Daginn eftir kom sendiferdabill med allt innbuid okkar og vid fluttum thad inn um stofu/svefnherbergis gluggan (thad er bara eitt herbergi). Eldhusid okkar er algjör kompa med minnstu eldavel sem eg hef sed.

Eg (Kjartan)er nu halfnadur med fyrsta kursinn minn, neurology, og er mjög gaman. Fullt af allskonar taugasjukdomum sem er ekki eins vanalegt heima a Íslandi. Eg er buinn ad fa ad stinga a maenu og gera taugastatus a sviunum - allt i godum filing.

Tekla er i geggjudum meinafradi kurs og hefur aldrei skemmt ser betur !!! Thad er mikid lagt upp ur PBL laerdom her - problem based learning- og heldur thad folki betur vid efnid.

Vid forum saman i Inspark - en thad er svona teiti sem bydur folk velkomid i laeknisfraedi. Svaka stud - kynntist krökkum i Teklu bekk. Krakkarnir sem eru med mer i kurs eru ordnir frekar stifir og virdast ekki djamma mikid... ekkert bekkjarparty eda slikt. Thonokkur vonbrigdi.

Skrifa meira seinna.
Mvh. Kjarrinn.

ps. Their sem eru i Svithjod, Noregi eda Danmörku mega endilega setja simanr. sitt i komment dalkinn - svo haegt se ad plana surprise heimsoknir og fleira.

Próflok !!!

2005-08-24T20:02:00.000+02:00

Jæja, þá er Tekla búinn í prófum og gekk bara vel - krossa fingur og vona það besta. Þá veltur þetta bara á deildinni hér í Lundi hvort við verðum áfram eða ekki. Það er vonandi, bærinn er að fyllast af ungum sem öldnum.
Þetta verður nú bara stutt í dag, við erum að fara að hoppa upp í næturlest til Berlinar eftir 2 tíma - og þaðan förum við til Prag. Í heimabæinn hans Didda. Það verður geggjað gaman, margt að sjá og upplifa... skrifa meira þá.
Bless í bili.

Fórum á Malmö festivalið um daginn - sáum Timbuktu! Fyrir þá sem ekki hafa heyrt í þeim þá eru þeir algjör snilld. Mæli með að ná í lögin Alla vill till himmelen og Det lösar sej. Sumarlögin í Lundi 2005 !!

Dabbi og Disa

2005-08-17T17:20:00.000+02:00

Hæ hæ. Við fengum okkar fyrstu heimsókn nú á dögunum. Dabbi og Dísa skelltu sér yfir og dvöldu í viku hér í Skáni. Þegar þau stigu út úr lestinni byrjaði að rigna eins og hellt væri úr fötu - týpískt, búið að vera alveg ágætisveður í allt sumar ...

Gleðina, forvitnina og áhugann á þessari miklu menningarborg mátti lesa úr augum þeirra er þau skriðu upp í rúmið okkar og löggðu sig. Já, þau höfðu nú lítið sofið greyin og var það svosem í góðu lagi - á meðan rigndi eins og ljón.

Það var mjög gaman að fá þau hjúin í heimsókn. Ég (Kjartan) og Davíð gerðum lasagna á laugardeginum, stelpurnar salat og Sæmi forrétt. Allt yndislegt og vel heppnað. Eftir helgina fóru ferðalangarnir með bílaleigubíl að skoða suður Svíþjóð. Við reyndum svo að fara á seglbretti en það var lokað svo við fórum í strandblak í staðinn... já það er næstum því eins gaman.

Liðakeppni í heimagerðu double-jeppordí...

Ragga Bjarna genin ??
Það kom síðan ágætisveður næstu dagana - allavegana betra en var á Íslandi hehe.

Við skelltum okkur út að borða á Jensens Böffhus og fengum okkur dýrindis steik - nema hvað að kókið sem við fengum með var ótrúlega flatt eða goslaust. Sumir ákváðu að þetta gengi ekki og kallað var á þjónuststúlkuna. Dabbi ræskir sig og tekur til máls: Dom är alla flata! segir hann með sterkri röddu, bendir á okkur (eða kókið okkar) og horfir einbeittur beint í augun á þjónustustúlkunni. Augun hennar hrökklast undan og það kemur vandræðalegur svipur á hana. Dabbi lítur á Teklu sem segir þjónustustúlkunni að það sé engin kolsýra í kókinu okkar. Hún tekur glösin okkar og fer. Dabbinn spyr hvort maður getur ekki sagt flata = flatt. Það ætti maður að forðast þar sem flata þýðir lesbía á sænskunni...

Annars er fínt að frétta af okkur, höngum í lausu lofti þar til að skólinn byrjar - þá kemur í ljós hvort við verðum áfram eða ekki! Frekar óþægileg staða en það er fínt að vera hér í Lundi - svo verður bara surprise party þegar við komum heim aftur í haust!!

Tekla er á fullu í prófum og ég er í sjálfvirkrisænskukennslu. Det fungerar faktist bra! Ég fékk líka sænskukennslu geisladisk frá Höllu, Krissa og Leu - hann er í léttari kanntinum - vänligen tala långsammare! Vad är klockan? Osfrv. En þetta er allt að koma. Maður ætti að ná mestu út úr sjúklingunum þegar kúrsarnir byrja! Verst er að ég er að fara í geðlæknsifræði og barnalæknisfræði svo þetta verður extra erfitt...

Segjum það í bili.
Kv. Kjartan og Tekla!!!

Sumarfilingur

2005-08-04T16:29:00.000+02:00

Tekla, Egill og Anna fyrir utan Hercules.

Hæhæ við erum á lífi þrátt fyrir langa pásu frá bloggi. Tekla hefur verið á fullu að lesa iðraanatómíu og svo höfum við verið dugleg að fara í Gerdahallen (líkamsræktarstöðin í Lundi). Svo hef ég farið á mánudögum og miðvikudögum á körfuboltaæfingar með Lugi sem er liðið hér. Það er engin þjálfari og bara spilað sem er fínt. Við fórum á Batman begins um daginn - mæli eindregið með henni, brjáluð mynd.

Varðandi haustið þá erum við búin að fá litla íbúð á stúdentagörðum sem heita Delphi

- ATH - Það er hægt að skoða nánar með því að klikka á myndina hér hægra megin af rauðu húsunum !!!

Þeir eru 5 -10 mín hjólavegalengd í burtu, í svokölluðu Norra Fäladen. Íbúðin sem við fáum er 26 fm á jarðhæð með sérinngangi, pínkulitlu eldhúsi, klósetti og sturtu og eitt stærra herbergi sem er bæði stofa og svefnherbergi. Íbúðin er ekki með húsgögnum svo við þurfum að fara nokkrar ferðir í Ikea...

Við héldum pizzaboð fyrir vini okkar í Lundi - Egil og Sæma - heppnaðist prýðilega, pizzan stendur fyrir sínu.

Hér eru Tekla og Egill á Stórtorginu eftir velheppnaða pizzuveislu.

Og hér erum við Sæmi.

Að falla inn i hopinn !

2005-07-20T19:29:00.000+02:00

Til þess að teljast virkur meðlimur Lunda-samfélagssins þarf fólk að eiga hjól. Það er þetta ósnertanlega sem sameinar dygga þegna konungsvaldsins - hjól og hjóladót.
Við kræktum í þónokkuð gott tilboð á blocket.se sem er smáauglýsingavefur Svía - þar var til sölu 21 gíra fjallahjól, kóngablátt á lit og með bögglabera og brettum - fyrir aðeins 500 sænskar krónur ( um 4500 ísl. kr.) Ég hljóp til og fór og skoðaði hjólið. Það var ýmislegt sem mátti laga og betrumbæta. Ég benti á að hnakkurinn væri aðeins of lár fyrir mig og hann segir: no problem, I fix this. Manoul fer inn og sækir verkfæri. Þá byrjaði ballið - hnakkurinn situr fastur eins og ljón, haggast ekki. Við reyndum WD 40 og ekkert gekk. Sonur hans bættist svo í hópinn. Þar með stóðum við þarna þrír, þónokkuð fullvaxnir karlmenn að reyna að hækka hnakkinn á hjólinu í dágóða stund - en án þess að bíta í safaríkt epli árangursins. Ég ákvað að slíta þessari samkomu, sætti mig við lágsetuna, borgaði manninum og hjólaði af stað heim. Manoul þakkaði fyrir og fór inn í faðm fjölskyldunnar, 500 kalli ríkari. Ég var þá orðinn nokkuð sveittur eftir púlið og fúll út í hnakkinn en nokkuð sáttur yfir þessum reifarakaupum. Ég hló innan í mér, þvílíkur lukkupottur! Lottóvinningur! Ég ýti mér létt af stað og set svo báða fæturna á pedalana og hjóla af stað. Þegar ég er kominn á smá ferð, fer ég að finna fyrir að rassinn byrjar dillast til hliðanna og eykst í réttu hlutfalli við aukinn hraða hjólsins. Það kom þá á daginn að afturgjörðin er svo skökk að það verður stórhættulegt að hjóla ef hraðinn verður meiri en venjulegur skokkhraði. Ég reyndi að hugsa hlýar hugsanir til Manoul á meðan ég reiddi hjólið heim.
En hér er það komið í hús og verður kallað,, Bláa þruman" til heiðurs annarra farartækja sem hafa deilt svipuðum eiginleikum...

Puss och kram!

2005-07-18T14:45:00.000+02:00

Nýjast orðið eða orðin sem við höfum lært hér í Svíþjóð er puss och kram en það er fyrir hið íslenska: kossar og knús! Haraldur Ingi kenndi okkur þetta hugtak nú um helgina. Haraldur er sonur Dóru, dóttir Sigtryggs fyrir þá sem vilja. Við hjúin skelltum okkur í heimsókn til Gotham city - eða Gautaborgar á íslensku.
Við gistum hjá Dóru, Óla, Petru og Haraldi Inga í íbúðinni hjá þeim um helgina. Hún er á neðstu hæð í stúdentablokkum 10 mín frá miðbænum (á bíl) mikil nálægð við náttúruna og heppileg fyrir barnafólk. Íbúðin er mjög hugguleg, þröngt mega sáttir sitja.
Á laugardeginum fórum við í Pödduna sem er bátur sem fer vanalega um síkin í Gautaborg en vegna óvenjuhárrar sjóstöðu var ekki hægt að fara undir allar brýrnar ! Við fórum út í höfnina stóru og tókum rúnt þar í staðinn - sáum varalitinn svokallaðan, það er mjög há bygging sem er rauð efst. Svo þurftum við að leggjast í bátinn til að komast undir eina brúnna - - ansi tæpir þessir sænsku sjómenn. Síðan fórum við í Liseberg. Það er eflaust flottasta tívolí Svía og er á svipuðu kaliberi og Tívolíið í Köben... ef ekki betra. Þar eru mjög góðir rússibanar og tvö lofthræðslutæki ofl. ofl. Draugahúsið er sérstaklega athyglisvert því þar gengur maður inn í draugahótel og þar eru ekki þessar vélrænu fígúrur heldur alvöru leikarar sem gera þetta mun skemmtilegra - mæli með að fara að kvöldi til og reyna að vera fremstur í halarófunni. Um níu leytið byrjaði svo að rigna og flykktust Svíarnir heim, það kom sér vel, raðirnar styttust um helming en við keyptum okkur regnslá og héldum ótrauð áfram. Liseberg lokaði svo um miðnætti og héldum við heim á leið.

Hvar er pabbi? - Haraldi fannst skemmtilegast að sjá pabba birtast hring eftir hring!

Við Petra vorum líka hugrökk í þessu tæki þar sem hvorki var belti né stöng að halda í !
Sunnudagurinn fór mestmegnis í Fimmuna en fyrir þá sem ekki vita er það risa kringla og var mikið skoðað og þónokkuð keypt. Við kíktum í Universeum sem er einskonar safn með hinu og þessu; stórt fiskabúr með hákörlum, stórar skötur sem hægt var að klappa, regnskóg og kyrkislöngu sem mátti líka klappa og fleira dót. Síðustu kvöldmáltíðina fengum við heima hjá Dóru og Óla og héldum við svo í rútu á leið heim. Mikið geta svona helgar verið fljótar að líða...

Ansi latur þessi, lá bara svona á meðan fólk bankaði í glerið og tók myndir - ágætis vinna ef maður pælir í því!

Hajarnir - hákarlarnir syntu fyrir ofan okkur og allt í kring þegar við gengum í gegnum stórt glerrör.

Lif og fjör i Köben

2005-07-10T20:23:00.000+02:00

Hæ hó.
Við skelltum okkur til Kaupmannahafnar og kíktum á Jazz festival sem var í gangi þar. Það var yndislegt veður, jafnvel of heitt fyrir venjulegan Íslending. Við settumst á Nyhavnsbryggju og hlustuðum á eðal tónlist. Mikil snilld. Eftir nokkuð röllt um götur og torg fengum við okkur að snæða á Jenssens Böfhus - hvað annað. Jensen svíkur mann aldrei.

Hér sitjum við á höfninni og hlustum á jazz.

Ég hélt kannski að þetta væri kíkir...

Og Jensens kjöthús er alltaf svo mysigt - eða dejligt á dönsku - eða indælt á íslensku ...

Eyjan Ven.

2005-07-04T23:06:00.000+02:00

Hæ, hæ!
Eyjan Ven er lítil eyja sem liggur í Eyrasundi sem er á milli Svíþjóðar og Danmerkur. Til að komast þangað þarf að taka ferju annaðhvort frá Landskrona eða Danmörku. Þar var fyrir nokkrum árum maður að nafni Tycho Brahe sem er þekktur fyrir stjörnuvísindi ! Hann stjórnaði eyjamönnum af harðri hendi og lét þá vinna mikið og borga háa skatta. Á meðan sat hann og skoðaði stjörnur og velti fyrir sér hinu og þessu. Á endanum varð hann hrakinn í burtu af illum eyjaskeggjum, flúði til Slóvakíu og dó þar.

Á eyjunni er margt hægt að gera sér til dundurs eins og hjóla á svokölluðum Tandem hjólum, fara á ströndina, skoða söfn og gamla bóndabæi. Við fórum í glaða sólskini og 25 stiga hita og hjóluðum þvert yfir eyjuna (11km í þvermál) og hinir hugrökku böðuðu sig í sjónum. Héldum við svo á fyrirlestur um djúp VENu kekkjun(thrombosis) í gömlu fjósi í mikilli sveitastemmningu.

Hér erum við á hjólinu góða og efri myndin er tekin á ferð.

Hér erum við í fyrirlestrinum - í gamla fjósinu með hinum skiptinemakrökkunum.

Við tekla i Mariestad!

2005-06-28T18:06:00.000+02:00

Það var geggjað gaman í Maristad. Við komum með lest frá Stockholm um kl. 13 og á vinkonur Teklu tóku á móti okkur, þær Sara og Lisa Marie. Við gengum síðan um staðinn og fengum okkur ís við smábátahöfnina(myndin af Teklu). Við gistum hjá annarri vinkonu Teklu sem heitir Marie. Daginn eftir var haldið til Madde og kærasta hennar. Þau búa í stóru húsi með bílskúr og gestahúsi og risastóran garð - en úti í sveit. Þar var Midsommar haldið hátíðlegt með þartilgerðri Midsommar stöng sem er eins og kross með tveimur kúlum...

Ég var hress, enda var byrjað með frokost kl. 13 og þar var öl og svo Skánar vín (líkist ákavíti mjög) og svo var boðið uppá Brennivíns staup.

Nú erum við komin til Lund, í fínu íbúðina okkar og erum bæði komin á fullt í internationelt prógram. Skrifa meira seinna. Hér eru fleiri myndir: efri er þegar við vorum í lestinni frá Maristad til Lund, neðri er á svölunum okkar:

Hey allehoppa!

2005-06-10T17:24:00.000+02:00

Er í vinnunni að þykjast vera læknir, læknir með enga sjúklinga...